Nų ir eð tið ą̊ old årsmy̢ötę 2020 i förienindjin Ulum Dalska. Eð werd oðerwais i år gainum kurona-wiruseð, men upums mikkler wil war minn för dyö. Ulum old my̢ötę gainum neteð og ien wiðiuolekk 18 agusti, og eð byres klukką 18.30 (alv sju).

Um du will war minn beller du anmęl dig gainum weðerpuost info@ulumdalska.se. Dą̊ fą̊r du ien lekk summu dag sos my̢öteð al wårå.

Årsmy̢ötesandlinggär og informasiuän ur du lemner in mieðlemmsföslaę fið du jär ą̊ iemsaiðun Årsmöte 2020.

Welkumin!